 |
Questa pagina a no l'è stæta corretta. | |
cö vapö
Doppo quanto m’è arrivôu
De scinistro ne-i mæ Viaggi
Vaporien, che v’ho contôu;
Doppo i reizeghi, i disaggi
E a gran puïa che m’ho trovôu,
Chi m’ha misso a mâ partïo!
(Scibben che aoa me ne rïo;)
Dopo i voti che façeivo,
E proteste che dixeivo....
Ciù probabile stimavo
De poeì vedde ûn aze sghêuâ,
Che de vedde o Sciö Reginn-a
Ne-o Vapô torna viaggiâ!....
Ma che sciollo!.... deliravo,
Che con tûtta a mæ dottrinn-a
E a mæ mente ch’indovinn-a,
M’ho lasciôu torna tentâ!...
