 |
Questa pagina a no l'è stæta corretta. | |
Che per bestie i battezzavan
E o so nomme a tûtti davan
Con fìschiate che insordivan!
A-o Sciö Zorzo impellissôu,
L’è chì l’Orso! g’han sbraggiôu:
O Barbòtto in baraccan
L’han piggiôu pe Orangottan!
Donna Marta (cioè a Poetessa)
Pe ûnn-a specie de Leonessa!
E quell’atra Sciä Leonöa,
Pe unn-a Vacca d’Indie Möa!
A famosa Margaitlon
Pe ûnn-a Giara do Giappon
E atre donne per Çivette!
L’Avvocato in verdi ghette
L’han piggiôu pe ûn Pappagaggio!
O Gobbetto de coraggio
Pe ûn Camëlo ancon da nïo!
O Sposôu tûtto instecchïo,
Pe ûn gran Becco l’han piggiôu,
E quell’atro tananûcco
De Cûgnôu pe ûn grosso Cûcco!
Doppo aveì tûtti sbarcôu
Se mettemmo in procescion
Con mi ä testa per Confaon,
Ne vegniva a folla apprêuvo
Ommi, Donne, Garsonetti
Con cacciâne (per galletti)
Bughe, strüsci, scorse d’êuvo,
Assortïe co-i becchelletti....
In cattive ægue me trêuvo,
Che me favan cazze i noetti;
