 |
Questa pagina a no l'è stæta corretta. | |
PARTE TERZA.
Per no perde dunque tempo
Ve contiö che ne-o frattempo
Non ciù imbriægo comparì
L’imbriægon de Carrossê
Chi guiddò a carrossa lê,
E per Zena se partì;
Lappa, lappa, s’angoscemmo,
Finalmente gh’arrivemmo,
Senza fâ nisciûnn-a pösa,
Stæ a sentî ch’a l’è cujosa:
Quando semmo a-e primme Porte
Se presenta i Preposê:
Ferma! Ferma! (sbraggian forte
A-o Vettuîn) gh’è di Foestê?
Passaporti! passaporti!
E n’aveivan tûtti i torti,
Perchè in quelli brûtti arneixi
Mai ciù paivimo Zeneixi,
