 |
Questa pagina a no l'è stæta corretta. | |
Obblighæ a ûzo tartaggia
L’ëa zà tosto a ciassa pinn-a
De cujosi a stâne a miâ
Che metteivan proprio raggia;
Mi me paiva ëse ä berlinn-a
E d'aveì o c..... de paggia
Che sentivo mosconnâ....
Dove vâlo o Sciö Reginn-a
Con sto tempo?... o và a negâ!
Dove diàscoa son sciortïe
Tante facce là proibïe!
O se và con lô a demoâ?
O mettiëmo in to Lûnajo!...
Miæ che bell’antifonajo!
Ah!... l’ho fæta troppo grossa!
Finalmente se partì,
Sei divisi per carrossa,
E resteì, ve diö con chì:
Co-a Poetessa, e co-a Sposâ
Mi in to mëzo, dirimpetto
Barbottin, Guærsa e Zembetto
(Bello terno da zûgâ!)
E notæ, ne-a Rebellêa
Dove a gran Provvista gh’ëa.
Se va a ciocchi de scurriâ;
N’eimo ancon da-i quattro Canti:
Ferma, ferma!... sento criâ,
Tanti garsonetti avanti
A carrossa fan fermâ;
Mi ghe sbraggio «Olà! birbanti!
Chi ælo chi ne fa piggiâ?...»
Se presenta da-o portello
Un Scignor senza cappello,
