 |
Questa pagina a no l'è stæta corretta. | |
601
Chi no gh’è de remiscion!
Appaeggiæve di dinæ
Che finn’aoa o campa ancon
E in perfetta sanitæ!....
Chì mi da ommo de giûdizio
Fesci fâ l’osservazion
Da cattiva condizion
De chi se fa ûn vitalizio
Perchè sempre se ghe prega
Morte, fin ch’o no se cega.
(Scì scignor: coscì va a-o mondo)
Se n’andascimo a-o Secondo
Dove stava ûnn-a Virtuosa
Teatrale, e de cartello!..
Stæ a sentî ch’a l’è cujosa,
Doppo aveì piccôu do bello
N’arve a porta per meitæ
Unn-a specie de camëa
Che a l’aveiva çerta cëa
Da.....no so se me piggiæ:
Senza dî cose se vêu
A ne dixe, no se pêu,
Che Madamma a n’è vixibile,
Ghe risponde o Çiçeonetto ;
Se Madamma a l’è invixibile
O n’è questo o nostro oggetto,
Voemmo solo vedde o scito,
Se n’andemmo fito fito
E a quest’öa, me pâ....stordïo!
Pezzo d’aze! (a replicò)
No se pêu!... ti m’hæ capïo?...
Porta in faccia a ghe serrò;
