 |
Questa pagina a no l'è stæta corretta. | |
563
Ma ch’ëan tûtti galantommi
Comme presto eì da sentî,
Quanto inganna a faccia di ommi!
Comme illûde(sic) o so vestî!
Basta a forza poi d’ammiâli
Riighe in faccia, de salûâli,
E de däghe do tabacco,
No passò manco mez’ôa
Che vegnìn a mæ demôa,
E me son spaziôu per bacco!
Che se semmo accandachæ
Comme i êuve co-e fritæ,
Se corriva de galloppo,
E de votte finn-a troppo,
Sempre in mezo da campagna,
A l’ëa proprio ûnn-a cöcagna,
Meno o cädo chi rostiva,
A gran pûa ch’a l’inorbiva,
E i cavalli mâ creanzæ
Che ogni pö per complimento
Tiavan çerte cannonæ
Da fâ cazze in svenimento,
E qualcûn, n’è mai per fâ
S’ëa provvisto de Leroâ;
Ma vegnimmo a noî; do resto
Cäi amixi ve protesto
Che viaggiando in Diligenza
Se stà proprio in allegrïa,
Meno aveì da gran pazienza,
E azzunzeighe ûn pö de puïa,
O l’è ûn gran divertimento
Pe-a commedia che gh'è drento
