 |
Questa pagina a no l'è stæta corretta. | |
*
O Quaranta, graziadio,
Eiveo là, zà cêutto[sic] e peôu!
Ben o mâ l’emmo passôu...
E n’è o mondo ancon finio,
Comme voeiva a Profezia
Destannä da di Antiquaj,
Non se sà in te che sganzia,
Spantegâ da-i Vixionaj
Ai figgéu per mette puia,
E per spaventâ e donnette...
Mà, a dëspeto[sic] de gazzette.
E di opuscoli stampæ
Da ciù d’ûn per fâ dinæ,
Dio lodôu, vivemmo ancon,
Voî ghe seì, e Mi ghe son...
E nisciûn hà coæ de moî;
Corteziscimi Lettoî
Do mæ patrio Almanachetto;
