 |
Questa pagina a no l'è stæta corretta. | |
Sciâ no bûrle, Sciô Reginn-a,
Ghe vêu atro a fâ dinæ
Che... Comâ, no v’arraggîæ,
Ghe mettiö a nomme Zaninn-a!
Ma che belli portughæ!
(E che vorpe soprafinn-a!)
Zacchè semmo chì assetæ
Belli comodi e ûn pö sûæ,
Senza andâse ciù a stancâ,
Se porrieìva ûn pö parlâ
Da gran Stradda Carettêa
Che, per dî ûnn-a cosa vêa
Che nisciun pêu contrastâ,
Meno i zuveni stordij,
O i vegiornie rimbambij,
A dà l’anima ä Çittæ;
Parlo, quando a sä finïa
Co-i so casamenti in fia
Belli nêuvi o ristoræ,
Co-e facciate in scimetria,
E bûtteghe, i bûtteghin,
Porticati, magazin,
E co-e ciasse improvvisæ,
A l'amplifica o quartê
Troppo populôu de Prê,
Dove ëan comme i pescisæ!...
A-o vivifica, a-o risann-a,
E dä Darsena, dov’êa
Quell’ambiente de galêa,
Quella spûssa de chintann-a,
A ghe rende l’aja sann-a,
Da poeì stâghe senza puia
