 |
Questa pagina a no l'è stæta corretta. | |
L'è chi torna o vostro Poeta,
Comâ caa, grazie ä Cometa
Chi no s’è lasciâ ancon vedde;
Da-i Astronomi se credde
Pe-o Sciô Cholera chi gïa,
Chi g’ha misso un pö de puïa;
Ma però son d’opinion,
Che se a n’è comparsa ancon
L’è per fâ restâ boxardi
Çerti Astronomi indovin
Che vêuan fâ i conti appuntin;
Ma che a capittiä ciù tardi
Co-i regalli che n’han dito.
Poi che a vegne tardi o fito,
Comâ caa, cose ho da dî?...
Ch’a no manche de vegnî,
Che l’è o mæximo pe ûn Pöeta,[sic]
Quando o mondo ha da finî,
Moî de Cholera o Cometa,
De negâ, giassâ o rostî.
