 |
Questa pagina a no l'è stæta corretta. | |
*
Gente, scialla! consolemmose,
Respiæ tûtti, o coêu rescioemmose,
Finalmente o climaterico,
L’angoscioso anno cholerico,
Temmûo tanto e tanto odiôu,
Graziadio o l’è terminôu!
Anno brûtto bisestile,
Va ûnn-a votta a fâte leze,
Ti n’hæ misso tanta bile,
Che nisciûn ghe poeiva reze,
Pe-o to Cholera chi giava
Con in spalla a Sciâ Cicchetta,
Tûtti i giorni o minacciava
De passâ i Zuvi, e a Bocchetta
Per vegnî a fâ immattî i Meghi,
E frûstâ e campan-ne a-i Ceghi;
Ma o l'è stæto ben veggiôu
In ta sgûscia e fêua da sgûscia,
E chi a Zena, barbasciûscia!
Mâ da Chêulloa no n’è intrôu;
Gh’emmo avûo solo vixinn-a
So Figgiastra a Sciâ Coalinn-a,
Stæta sûbito piggiâ
Per cûâ i vermi da un Speziâ.
