 |
Questa pagina a no l'è stæta corretta. | |
Ma o vorriæ veddo finïo
Co-e so statue tûtte in gïo,
A so ciassa lastregâ
Senza fosse da scûggiâ,
Quello teito do Pronäo
Ben fasciôu, senza pessâo,
Nè che andassan sotto banca
E bellûïe che ghe manca:
L’Accademia, che gh’è appresso,
A l'è un atro bello pesso
Da sciûscianta, chi fa onô
A-a Çittæ, comme all’Autô,
Pe-a grandiositæ de stanze,
O gran gûsto, i eleganze,
Giûdichælo in to montâe
Da-e magnifiche so scäe.
Aoa poemmo ûn pö passâ
Ne-o straddon Carlo Feliçe,
Che nisciûn pêu contrastâ
Che assæ bello o posse dîse
Pe-i palassi e i palassetti
Fæti nasce in t'ûn terren
Semennôu de caroggetti,
Case lûveghe e mezzen.
Chi n’avesse mai ciù dito:
» Vegniä ûn giorno che passieì
» D’in carrossa in questo scito
« E ûn straddon bello veddieì!...
O l’aviescimo legnôu,
O all’Uspiæto a stâ mandôu;
No son pe-atro soddisfæto
Dell’astregatûa c’han fæto,
