 |
Questa pagina a no l'è stæta corretta. | |
E a l'ha fæto ûn grand’effetto
(Meno qualche fenoggetto)
Tanto in Opere, che in Balli
Pe-a comparsa di Cavalli,
Pe-a bellessa do Scenajo,
Pe-a ricchessa do Vestiajo,
Pe-i Virtuosi c’han ballôu,
Pe-i Virtuosi c’han cantôu
(Fra legittimi e bastardi)
E gh’ëa tante gambe in scena,
Tanti Cöi nostræ e lombardi,
Che mai ciù ghe i veddiä Zena,
Manco i megio Teatri fêua.
Aoa andemmo all’Accasêua,
Ch’a l’è tösto terminâ,
E ghe poemmo passeggiâ,
Che ghe sta, scommetto o doggio,
Tûtto Zena e ciù ûn caroggio;
Manca solo qualche erboetto,
Un pö d’ægua in to laghetto,
Manca i pesci in ta peschëa,
Manca a statua co-a ringhëa,
Cresce i sasci, manca l’erba,
Di sedili pe assettâse;
Ma no poemmo dexideâse
Passeggiata ciù sûperba,
Lêugo ciù bello e vistoso,
Ciù brillante e delizioso,
Tanto ciù co-a gran Cascata
D’ægua fresca a-i Cappuççin,
Pe-a quæ meita ûnn-a cioccata
Torna o nostro Barabin;
