 |
Questa pagina a no l'è stæta corretta. | |
No trovòn mai ninte ascoso:
Ma so Poæ fù ben virtuoso
D’insegnâghe avanti moî
A manëa de fâ de l’öu;
Chè o travaggio o l'è ûn tezöu,
Questo solo o pêu inricchî.
FOA III.
O SCOLAO E A FORMIGOA.
Un scoläo, pezzo d’aze, mascarson,
Buggibreiga e pötron,
Solo pe-o zêugo, e pe-a demöa portôu,
Coscì nemigo zuôu
Do travaggio, do stûdio, e do latin ;
Virgilio, Ovidio, Orazio, con Çiçeon
Allighivan i denti a sto mincion,
Ghe piaxeiva ciù a balla cö ciûmmin;
Fessa d’iniquitæ!
Senz’amô, nè caitæ,
Se in stradda o l’intoppava
Un gatto, ûn can, ûnn-a galinn-a, ûn bæ,
O i piggiava a sascæ,
O i scorriva, o ghe dava , o i ammassava.
Un giorno de mattin,
Ch’o l’ëa c’ûn bacco lungo in t’ûn giardin
A fâ caccia de grigoe,
(E a quelle, ch’o piggiava, per demöa
