 |
Questa pagina a no l'è stæta corretta. | |
263
Vendiän tanto i bûtteghæ
Che restiän desbarassæ;
I artisti travaggiän,
E i camalli camalliän;
Solo i meghi han da restâ
Sempre all’ozio senza mâ;
Se godiä ûnn-a Sanitæ
Che serriän finn-a i ûspiæ;
I dottoî porriän andâ
In campagna a villezzâ,
Perchè in paxe e amô viviemo,
E nisciun ciù litighiemo;
Tûtte e figgie se majän,
Finn-a i vegi se bolliän....
Scialla! dunque che se fasse
Di Ravieû, Torta, e Cazasse
Per stâ megio in allegria
Tûtto l’anno, e così scia.
