 |
Questa pagina a no l'è stæta corretta. | |
64.
Se l’Armâ, drita a marciava
Sorve Argê in quello momento,
Porta averta a ghe trovava,
Perchè o Popolo in fermento
Contro o Dey s’ëa rivoltôu,
Che ciù ûn pö o resta stranguôu.
65.
Ma prûdenza a l’exiggeiva
De marciâ con precauzion,
Chè ancon troppo sprescia aveiva
O sordatto; e Chi è a-o timon,
Vêu aspëtâ a grossa artiggiaja
Per no fa ûnn-a mincionnaja.
66.
E frattanto che se dà
Giorno, e nêutte l’instancabile
Armâ in tæra, e miäcoi a fa
Contro trûppa formidabile,
Rincresceiva a quella in Mâ
De no poeìghe ûn pö aggiûttâ;
67.
E quantunque a se battesse
Nêutte e giorno contro o vento,
L’ægua, i schêuggi, e a provvedesse
Con do reìzego e gran stento
A-i so fræ de munizioîn,
Pû a vorriæ sparâ i cannoîn.
68.
Ma n' aggiæ tanta premûa,
Che vegniä o momento presto
De mostrâ a vostra bravûa,
E aggiûttâghe a dâghe o resto,
Tegnî a miccia aççeiza in man
Perchè forse o n’è lontan....
