Pagina:Piaggio Poexie zeneize 1846.djvu/170

Da Wikivivàgna

Ne-a mæ càmea, che trovieì
Da mangiâ e per lê e per voî:

Ratti cäi, n’eì ciù da moî
Nè dä famme, nè dä puïa,
Perchè daggo o Gatto via,
No gh’avieì ciù de nemixi,
Stæmo in paxe, e sempre amixi,
E sä vostra casa mæ.

Quelli Ratti riparpæ,
Paeiva proprio che sentissan
Quanto disse, e che o capissan,
Perchè in seguito gh’andòn
Tûtti i giorni, e ghe trovòn
Pan, formaggio che mangiavan,
E a-o Poæ sempre ne portavan,
Che ancon di anni o l’è campôu;

E lô poi per ricompensa
No g’han mai ciù roziggiôu
Nè a mobilia, nè in despensa,
E gh’andavan nêutte, e giorno
Comme a ûn nêuvo Poæ d’attorno;

E o Figgiêu pe-o so bon coêu
O l’andò d’in ben in megio,
Vegnûo ricco, o creppò vegio
In te brasse a-i so figgiêu
Stæti sempre decantæ,
Figgi degni de so Poæ.