 |
Questa pagina a no l'è stæta corretta. | |
A ò dôse canto di Celesti Cori
Quello Sô che rò Çê tutto innamora
Non sa fâ grazia o Vergine Signora
Donde Voî n aggiæ parte e fæ i onori;
Per Voi trœuvan recoveri e ristori
Tutti comme han trovôu finna a quest’ora,
Perchè seî sola a graziosa Aurora
Che ò Çê spanteiga sempre a nœuvi fiori:
E comme Aurora bælla in mezo a e scioî
Onde ognunna sbottonna, e se smalocca
Spantegando per tutto nœuvi odòî,
Inni de grazie con festosa bocca
Fæ che cantemmo sempre intorno a Voî
Mistica Rœusa d’odorosa brocca.
