 |
Questa pagina a no l'è stæta corretta. | |
Seguita la Strofa Virgo
Vergine scingolare tutta amê,
Sant’Erasmo in sciù ò nostro ærbòo de gaggia
Calmæ i maroxi d’impeto e de raggia,
Che a pazienza ne sguaran de papê:
Di nostri vizii a a piena dæ inderê
Alzandoghe per contro unna muraggia,
Fæ che noi ne pestemmo a gran marmaggia
Con seguitave in posta da corê;
Che spesso ò cœu ciù neigro che unna mûja
Comme cartinna a ò fœugo ò se n’agritta
Pin do ciù giusto spaximo e de pûja,
Zà che i vostri favòî piggiando in gritta
O peccoù tutti quanti ò ne i tezûja:
Maria, pietæ, mostræneve Giuditta.
