 |
Questa pagina a no l'è stæta corretta. | |
Mi che son ò ciù tristo e ò ciù cattivo
Zà lì per l’atro Mondo in sciù e mosse
Dæme Madonna a ò cœu ciù forti e scosse,
Per fâ delungo a ò vizio un fœugo-vivo,
E se per grazia vostra ancon son vivo,
Primma che vagghe in pûa queste quattr’osse,
Dæme a manêa che ringraziâ ve posse
D’ogni visita vostra, e donativo....
Ma ò tempo ò me sparisce comme ò fumme
Che vaggo incontro a Morte in Bastardælla,
O comme in ta marinna côre un fiumme,
Ah mentre n’ho ni torna ni fraxælla
Co ò vostro Divin raggio fæme lumme,
Vergine Voì che seì a nostra Stella.
