Pagina:Per o primmo çentana de s. Catterin-a 1837.djvu/7

Da Wikivivàgna


Lì da-o Clero accompagnôu
In gran cappa ghe veddieì
Pontificâ o Cardinale;

Un-na Muxica sentieì
Serrinesca stuppendiscima
Con orchestra copiosiscima
De Cantanti e de Sunnoeì
Frà Professi, e Dilettanti;

Violinisti conçertanti,
Cose diggo?... mäveggieì
Che sentieì sunnâ un Violin
Che o piggieì per Paganin;

Per sei giorni ascì ascoltieì
Sempre un nêuvo Panegirico
D’Oratori sacri celebri,
Ascendendo o primmo in pulpito.
O Cardinale Arçivescovo
Pastô nostro dilettiscimo,
Coronando o fin dell'opera
Giustignian l'eminentiscimo;

Questo è ninte; o sesto giorno,
(Do quæ ognun vorriæ campâ
Per poeì veddine o ritorno)
Vegniä a Santa trasportâ
Con gran pompa in San Lorenso