Pagina:O mego per forza .pdf/9

Val. (sorpreso)	Sciä bûrla?
Giac. (c. s.)	Ah! l'é veriscimo
Val.	Davvei? meschin de mi! E chi o l'è mai sto stûpido Sto vile de spozôu?
Giac.	Un ommo milionaio Un conte, ûn titolôu!
Val. (scoraggiato)	Un conte? Addio Valerio
Giac.	Ma comme!
Val. (c. s.)	L'ho in t'ûn pê
Giac.	Ma cose sciä se fabbrica?
Val. (c. s.)	Se a cosa a ven da lë!
Giac.	Ma mi nö vêuggio
Val.	Miccere Sciä o vêu fâ credde a mi? A-o punto de deciddise Sciä no diä ciù coscì.
Giac.	Sciä l'é ûn cattivo, ûn barbaro Sciä n'ha de compascion L' avviso do pericolo E sciä me crûzia ancon?
Val. (con passione)	Ah se mi poesse creddila! Ah se me poesse fiâ!
Giac.	Ma comme devo dighelo? Ma cose posso fâ?
Val.	Mi vorriæ che sciä intendesse In t'ûn lampo, ûn batti d'êuggio Senza voeì che ghe spieghesse Cose çerco, cose vêuggio Gh'é de cose che a spiegâle Se ghe leva da bontæ E coscì besêugna fâle Senza aveile raxonnæ
Giac.	Ah se invece d'êse figgia Do mæ stato e condizion Mi n'avesse de famiggia Fosse ûn'ommo bell'e bon