 |
Questa pagina a no l'è stæta corretta. | |
Se tutto insomma saa ne-ô stato quo
Pe mettime a-ô seguo solo ve diö,
Piggiando e cose coscì in generale
Che ô mondo ô saa all’incirca tale e quale
All'Anno nêuvo, come in questo vegio
Sunetto ô fu descrito a bell’a megio.
L’ ANNO 1869
SUNETTO.
Dell’anno nêuvo nominôu chi in çimma,
Perchè chi drento ô no va ben pe-ô verso,
E ô non è ninte comodo pe-a rimma,
A fâ gren ciarle ô me pâ tempo perso.
Perchè me pâ un mincion quello chi stimma
Che dai anni passæ ô saa ben diverso,
Mentre gh’è sempre ancon nell’universo.
O sô e a luña e i ommi comme primma.
Perchè sciccomme in prêuva d’esperienza
Mondo e rêua chi gia sempre l’è tutt’uña,
E do sô van i anni in concorrenza,
E ë teste di ommi van segondo a luña;
Coscì da un anno a l’atro differenza
O ghe n'è poca o no ghe n’è nisciûña.
