 |
Questa pagina a no l'è stæta corretta. | |
Chi se sente aveì di meriti
O presenti, oppù preteriti,
E chi n’ha a patente netta
Beive presto un’ampoletta
De sto nêuvo rosolì
A salûte de Le Roâ
Se o no và un meìse in cascietta
E pe a posta pago mì
Ma che o lascie dî, e giappâ,
Perchè è bon, dixe Galeno,
Da çert’oe finna o veleno,
Come o dixe i Meghi a tanti
Che ghe o dan, ma andemmo avanti.
Oh rimedio maveggioso!
Dixan questi, da baxiâse!....
Oh rimedio velenoso!
Dixan quelli, da bruxâse!....
Mi che son neutralitæ
Ben armâ, diggo aspettæ,
Giudichæ troppo per tempo
Dæ un pittin de tempo ao tempo,
No fæ e cose a preçipizio
Aggiæ un pö ciù de giudizio,
Che cö tempo, e co-a pazienza
Trionfa sempre l’evidenza,
