 |
Questa pagina a no l'è stæta corretta. | |
CANZON I.
Ne-ö dî cose stupende
Di ommi celebri morti
Pù che n'aggian da spende
Pe statue e monumenti!.. .
Uña voxe da tanto e de tanti
Per a patria e pe-i sommi zelanti
De ripete a no lascia un momento:
A Colombo ö se fa un monumento?
O s'onora quell’ommo immortale,
Che l’eguale — in Europa ö non ha?
Giubilæ, çittadin, ch’ei impegno
Che s’onore di Grandi a memoja:
Dæ pù segni de gioja, chè un degno
Monumento a Colombo ö se fà!
Da tanti anni ö foresto chi arriva
De Colombo ne-a tæra nativa
O dimanda e poi torna ö dimanda:
Dove s’erze, in che ciassa, in che banda
O colosso do primmo di Eroi
Non mai primma, nè poi — superou?..
Rallegræve, o Zeneixi, che presto
Uña statua a Colombo innalziemo;
Nè sentiemo — ciù di da-ö foresto:
Non è in Zena un Colombo onorou!. .
