Pagina:Marston56.157-187.djvu/58

Da Wikivivàgna

e trovànon uno libero anticho, et legendo trovàno como questi trei monacij se eranon partiti za era septecento agni. Alaora lo abate e li atri monacij maravegandosse monto de ziò, dicevanon intra loro: "Como po esse che questoro sianon tanto vivoti, consosiacossachè piaschaduno di loro pare de trenta agni?" Alaora dìceno li trei monaci: "Carissimi fratelli, non ve maravegiati de la potencia di Dio, inperochè niguna cossa non g'è possibille, inperochè noi semo stati con quelli sancti padri Enoh et Helia et amo odicto lo dolce e lo benedicto canto de li angeli de lo paladizo, et quando noi se venemo a partire non ne pareiva anchora esse staito octo dì. Ordoncha che de' essere la vita beata? Anchora ve daremo uno atro signalle, che de chì a quaranta dì noi caderemo subito morti in terra, e in quello ponto deventeremo cenere e li angelli de Dio visibilementi veranon per la anime nostre e si ne meneranon ne la vita beata."

Alaora lo abate e tuti li monacij, li qualli eranon bene da cento, tuti se gitoronon in terra e faceivanon grandissim[o] pianto per la grandissima dosessa che elli avevanon odendo le parolle de quelli trei monacij. E anchora diceivan[on] le grandissime e maravegiasse cosse che aveivano facte e audicte e vedute de la gloria di Dio, e lo abate inseme con li atri monacij aschotavanon quelle cosse con grande devocione e amore divino. Et in capo de quaranta dì questi trei monaci stavanon in oracione con grande devocione dinaci lo atare, e forniti li quaranta dì subitamenti di loro corpi fo faito cenere, de li qualli ne insiva si faito odore, che pareiva che lì ge fosse tuti li moschati di questo mondo. E visibilementi fonon veduti li angelli di Dio chi portànon le anime loro con gradissimi canti. Alaora vedendo questo, lo abate e li monacij romazenon monto consolati, ma faceivanon grandissimo pianto per la grande dosesa che elli aveivanon in lor medesmi, et da quello dì innacij faceivanon pu sancta vita che elli non aveivanon faito in prima, per li grandi miracolli che aveivanon auditi e veduti da quelli trei monacij sancti. E cossì viveno ne lo amore e ne la gracia de Dio in fino a la fine, et pasando de questa vita andanon a la eterna beatitudine, a la qualle ne conduga Ihu. Xo. benedicto, lo qualle vive e rega[sic] in la inperiale gloria infinita, seculla secullorum. Amen.