 |
Gh'è stæto in problema into correze sta paggina. | |
era pu ata cha tute le atre. E quando Noè vi che l'archa era staita ferma per monti iorni, ello si arvì una de le fenestre e ello goardà e vi che ello era in lögo ato, e vi che la terra era anchora coverta d'aigoa. E si mandà um crovo de föra chi trovà tuta la terra coverta de carne, de la quá o ne mangià tanta che o non curava de torná a Noè. E quando Noè vi che lo crovo non tornava, l'undeman si ge mandà una coronba, la quá tornà a ello a l'ora de vespo e aduxè in bocha una ramma de oriva verde. E quando Noè la vi, si regracià Dee de quelle maravegie, e pöa lassà Noè passá trei di, e pöa o tornà anchora a mandá la coronba, e tornà deprezente, e ella vorava in nato[sic] e non vosse intrá dentro, a dá a intende a Noè che a trovava asai da mangiare[sic]. E lantora Noè pensà che o poreiva ben insí de dentre l'archa. E l'umdeman e' l'insì föra de l'archa e cassà föra tuti li animai e tuti li oxelli chi eram in l'archa, e ello incomensà [...] con li söi figij, per modo che ello inpì tuto lo mondo de gente, unde, per questa mainera, lo nostro Segnor Dee si recoverà lo linagio de l'umana natura chi era perdua.
E chì se incomensà la segona[sic] etae.
De la generaciom de Noè
Pösa che Noè insì de l'archa e ave conpio DC agni, e' inzenerà um figio forte, lo quá ave nome Gericho, e questo fo grande homo como um zagante, lo quá odì parlá de Adam. E um jorno o disse che o voreiva andá in quello lögo unde jaxeiva Adam, e ze in la valle de Ebrom, e, quando o fo in lo lögo unde jaxeiva Adam soterrao, ello vi quelli trei rami de che voi avei odío de sorva, chi nassèm in la bocha de Adam, e disse proffetezando: "E leverò questi tre[sic] rami e si li meterò in lögo dezerto, e questi trei rami faran fruto a lo mondo".
E trelli de dentro la bocha de Adam, e apozeli in lo dezerto, larga l'una da l'atra. Ma, per vorentai de Dee e per quella cossa chi deveiva esse, e' se acostàm tute in um lögo e fem de queste tre rame um erboro sensa nisum partimento, salvo le fögie, che l'una era de sedrio e l'atra de cipreso e l'atra de parma. E quello erboro stè in quello lögo fim a lo tenpo de Moizes. Or de sorva e' avei odío como Noè conpì agni DC avanti che vegnise lo deluvio, e pöa o vivè anchora agni CCCL, e cossì fo la vita de Noè agni DCCCL[sic]. E romaze Sem mao in la generaciom.
Sem ave um figio chi ave nome Archisalem e fo la vita de Sem agni DC.
Archisalem ave um figio chi ave nome Salech e fo la vita de Archisalem agni CCC LIII VIIII.
Salech ave um figio chi ave nome Ebel e fo la vita de Salech agni CCC.
Ebel ave um figio chi ave nome Faleg e fo la vita de Ebel agni CCC.
Faleg ave um figio chi ave nome Nacor e fo la vita de Faleg agni CC III VIII.
Nacor ave um figio chi ave nome Tarech e fo la vita de Nacor agni CC IIII VII.
Chì se contèm como Tarech fe una monea de la qua fo li III- denari[sic] per li quai fo venduo lo nostro Segnor Ihum. Xe.
Questo Tarech fe una monea monto grande per comandamento de Brucio, ree de Babilonia. E questo Brucio acatà de quella monea trenta denari a so nome, e de quelli trenta denari fo venduo Joxep a li Egipciain, cossì como voi odirei de chì avanti, e quando la reña Sibilla vègne de ponente in Jerusalem per odí lo seno de Saramon, si intrà in lo tenpio per orare[sic] e per offerire[sic] quelli trenta denari. Alaora a vi lo fusto de la croxe e proffetezà si como voi
