Pagina:Marston.Ms.56.1-45.djvu/36

Da Wikivivàgna

te prego che ti me amaci, avanti che e' sea dezonorao da li mé inimixi chi saram tosto chì".

E lantora quello lo liverà e preize l'armeora che l'avea a lo colá e l'armeora ch'e l'avea in testa, e ze fin unde era Davit. E quando Davit lo vi, si ge demandà de unde ello vegniva, e ello respoze: "E' sum futo da l'oste de Saul".

E Davit ge spià che era de l'oste, e ello disse: "Li nostri sum tuti desbaratai e re Saul si è morto". E dissege como ello lo avea morto e most a Davit per segná de so lo anello che portava re Saul e le armeore de l'oro e de lo colar e de la corna. E incontenente Davit si lo fe amasá digandoge: "La toa bocha a falio contra ti, inpersochè ti ai dicto che ti ai morto lo re Saul".

E pöa Davit fe grande pianto de re Saul e per Ionatas malixì lo monte de Golada e disse che lana ni rozá non ge cressese mai per nissum tenpo. E pöa la matim li Filistei vègnem e preizem la testa de re Saul e de li söi figij con grande alegressa i la mandàm a prezentà a lo tenpio de le lor idore, e le apeizem in la via de Belzebe chi era incontra de quelli d'Issael. E li homi de Gabes Galad vim le osse de re Saul e de söi figij chi eram apeize in quello lögo si elezèm arquanti de lor, li pu pordomi, chi zem de nonte[sic] e si le pigiàm e soteràmle in Gabes Galade.

E lantora fo conpio la tersa etai, in la quá o fo XIIII generaciom, ma li Zué non ne coitam[sic] salvo XIII con lo quinto de Abram.


Chì se contèm como Davit fo eleto re sorve lo pövo d'Issael e incomenssà la quarta etae.

Pöa che re Saul fo morto, per lo comandamento de lo nostro Segnor Dee, Davit ze in Ebrom e stè lì con doe soue[sic] mogié. E lantora li homi de Judea vègnem e fem lo re per lo tribo de Juda. E lantó o se incomensà la quarta etae, e aprövo questo si fo faito a savi[sic] a Davit como li homi de Gabes Galad aveam soterë le osse de Saul e de söi figij, de che o li mandà monto a regraciá.

E Davit disse: "Beneti[sic] sea-vo voi, chè voi avei faito grande mizericordia con lo vostro re Saul, e per questa caxom voi averei bon merito e mi ve ne renderò bon canbio. E non temi, e non pensai che 'o seai sensa re, che lo tribo de Juda si m'a elezuo re sorve lo pövo d'Issael."

E fo amao e temuo da tuta gente.


Chì se contèm como Davit era re e fo elezuo pre lo pövo d'Issael, e como per amó de Bezabet o fe morí Uria.

Seando re Davit sorve lo pövo d'Issael, si cheite una fiá che Davit mandà tuta la soa gente in l'oste contra a li figij de Aron, e fem grande dano a quelli da monte, e asidiàm um lögo chi avea nome Rabacha.

Or in quello tenpo Davit era za vegio e non andava pu in l'oste, e lantora e' l'era romazo in Ierusalem. E um iorno, seando levao re Davit, ello goardà in um canto de lo paraxo, e vi una dona chi se sugava la testa. E vige li cavelli pu brondi cha l'oro, e lo collo pu biancho cha neive. E innamorasse de ella, e vegege[sic] covea de aveilla, e mandà per ella, e fela iaxei con seigo, e ingraviàla incontenente de um figio masiho.

Or quando re Davit sape che Bezebet era gravia, si mandà per so mario Uria, chi era in l'oste con Jacob, chi era cavo, e fèlo vegní, asochè ello dromisse[sic] con soa mogié, per che paresse che a non fosse gravia de so mario. E quando Uria fo vegnuo, Davit ge demandà növa de l'oste, e pöa o lo inconvià a disná con seigo. E quando Davit ge ave spio de so che ge piaxè, si ge disse che o non curasse pu de torná a l'oste e che o se ne zeise a caza a stá con soa mogié.

Respoze Uria: "Non piaxe Dee che mai in nissum tenpo che e' vage a caza a stá com mea mogié demente che lo pövo de Dee sea in l'oste e iaxem sote le vigne e sote li erbori, e semegeivementi lo mé segnor Iacob".

Vegando Davit la vorentë de Uria, e che per questo non poea celá la soa falla, si fe scrive letere a Jacob, chi era capitanio de l'oste, digando che Uria ge avea faito una grande falla, per che o lo devesse mete in lo pu perigorozo lögo de l'oste, asochè ello ge fosse morto.

Partisse Uria e portà letere de la soa morte, e Jacob conpì lo comandamento de lo re e misse Uria a quella posta unde pu tosto o fosse morto.

Or quando Berzebè sape che lo mario era morto, si ne fe grande dolor e, passa[sic] um tenpo, re Davit mandà per ella e preizela per mogié e avene um figio incontenente, e como a l'ave faito, lo nostro Segnor Dee, a chi despiazè questo peccao, si mandà per Natam proffeta e mandàlo a re Davit e dissege questo tar ex[e]nplio: "E' l'era um homo chi aveiva monte bestie e uno[sic] atro chi non ne aveiva sarvo una. Or vègne che questo homo richo preize quella de quello povero e mangiàla per non amermá nisuna de sue".

E quando