Pagina:Marston.Ms.56.1-45.djvu/16

Da Wikivivàgna

sei messi, e voi ge direi che voi sei messi de quello Dee chi è." E mostràge lo segná de lo bastom chi torna in serpente e de la man chi torna mezella.

Or zem Moizes e Arom a lo re faraom e femge tuti quelli segnai. E in quello tenpo e' l'era in Egito monti astrolegi e incantaoi chi saveam strologia, e elli fem cossì de le lor verge davanti da lo re faraom como fava Moizes, e fem de le lor verge serpenti, ma lo serpente de Moizes si vensè e [...] in fuga tuti quelli atri. E inpersochè quelli incantoi fem como Moizes, lo re faraom se tègne goario e anchora o tègne che lo faito de Moizes fosse a niente.


Chì se contèm como la segonda fiá che lo nostro Segnor Dee mandà Moizes a lo re faraom e' fe lo fiume de NMillo torná sangue.

Disse lo nostro Segnor Dee a Moizes: "Vatene da mea parte a lo re faraom e dige bem che ello lasse andá lo mé pövo, asochè elli me sacriffichem in lo dezerto, ma e' sò bem che o non li vorà lasá andá, chè lo so cör è indurao, e fa che to frë Aron vegne conteigo e che o tegne la verga in man, e tronerete[sic] con re faram[sic] a la riva de Millo[sic], e dirai a re faraom che, se o non lassa andá lo mé pövo, che tute le ëgoe de Egito torneram in sangoe so sarà quella de eguarim, e dirai a Aron che o fere de la verga in la egoa".

Or quando Moizes ave inteizo lo comandamento de Dee, ello ze a lo re faraom e lo torvà a la riva de la ëgoa chi se piama Millo[sic] e dissege so che lo nostro Segnor Dee ge avea dicto, e faraom tègne le lor parolle per niente e si non vosse cré ni obei lo comandamento de Dee. Alaora Moizes disse a Aron che ello devesse ferí de la verga inter le aigoe, e cossì fe, e quando o g'ave ferío tute le aigoe tornàn sange con tuti li poci e le fontane de Egito. E tuti li Egiciem morivam de sé. E tuti li astrolegi chi se vam in igromancia per conforto de lo re faraom con la soa gente e per contrubá l'arte de Moizes, asochè li figij d'Issael non creisem a Moizes ni Aron, e si fem per lor incantaciom, cossì como avea faito Moizes per soe incantaciom davanti a farom[sic] e a li söi vasali. E quando o vègne a cavo de VII di, lo nosto[sic] Segnor Dee disse a Moizes e a Raon[sic]: "Vatene a lo re farom e dige da mea parte che ello lasse andá lo mé pövo a sacrifichá in lo dezerto e che ello abie in memoria lo mé nome, atramenti che e' ge farò vegní tante rene che inpiràm tuta la terra de Egito, e si farò che elle intreram inter le ló camere e inter ló leti e in le viande, ma e' so bem che o non te vorà cré, ni vorà lasá andá lo mé pövo.


Chì se contèm como la tersa fiá che lo nostro Segnor Dee mandà Moizes a parlá a lo re faraom e' fo la grande murtitudem de le rene.

Moizes se ne ze a lo re faraom e si ge disse tuto so che lo nostro Segnor Dee ge avea dicto. E lo re faraom non ne vosse fá niente.

Disse Moizes a Aron: "Pigia la verga e ferine in lo rio e in lo piam de li prë e in lo stagon de Egito".

E Aron fe so che ge comandà Moizes, e incontenente fon creë tante rene che tuta la terra e le caze ne fon piñe. E intràm con li homi inter li lor leti, e quando e' mangiavam e' ge intravam inter le schudelle, si che elli non poivam mangiá, ni beive, ni dormí, de che e' se tegnivam per morti.

Quando faraom vi questa pestelencia sorva ello e sorva lo so pövo si mandà per Moizes, e quando Moizes ge fo davanti si ge disse: "Prega lo Segnó che ello me leve queste rene e si laserò andá lo so pövo".

Disse Moizes. "E' ne pregerò lo mé Segnó poderozo sorva tute le cosse e leverà da ti e da tuta toa gente le rene".

E la matim, quando Moizes ave faito la soa oraciom, tute le rene intràm inter li stagoim