Pagina:Malinverni C. Bolle de savon 1921.pdf/43

Da Wikivivàgna
Sata a-a navegassion Sata a-a serchia


da-i fossoei, da-i recanti,
dä lunxi e da vixin
vegnan madonne e santi
incontra a-o cappûççin.

Ûnn-a vixion! - O genio
do Strozzi o piggia fêugo;
o vorriae fäse röso,
fäse vaeì, däse lêugo;
e o va apprêuvo a ûnn-a forma
d'arte ch'o vêu acciappâ,
comme o can chi é in sce l'orma
e o scöre l'animâ.

O sente de poeì mettise
in mëzo ä schêua zeneize
e fâghe onô: ma l'abito,
comme ghe pâ c'o peize!
Cöse serve a viviscima
lûxe da tavolossa,
se in ta cella gh'é o lûvego,
gh'é o freido d'ûnn-a fossa?...

Con sta idea che a-o bollitiga,
a-o crûzia, a l'aççimenta
ven che o dà ûn cäso a-i scrupoli,
e ûn bello giorno o scenta;