 |
Questa pagina a no l'è stæta corretta. | |
Luisa! - e memoje, a grosse onde, ghe van
a franze contra a-o chêu, contra a-o çervello,
e sbatte, a-o sò arrivâ de man in man,
comme ûnn-a veja, intorno ä testa o vello.
Son memoje d'ûn tempo zà lontan,
quando a l'aveiva ûn fùrgao pe cavello,
quando poeti e pittoî, cö baxaman,
metteivan a-i sò pê lira e pennello.
Ûn diva: bocchin d'öu, l'atro: belli êuggi:
lê a se cinciava e a se sciorbiva a lode....
Ah! pulëo maledetto e infami schêuggi.
No ciù canti, festin, cöse da matti:...
ma a sente ancon tûtto l'amê d'ûnn'ode
mentre a ven a pregâ, da-i povei fratti.
36
