 |
Questa pagina a no l'è stæta corretta. | |
Che d’allögi ne son senza,
Perchè i belli appartamenti
No son pan per i so denti:
Poscidenti e Fabbricanti?
A voî parlo!... antlemmo avanti.
Gh’emmo i Povei co-i Struppiæ
(Parlo sempre di foestê)
Da bandise dä Çittæ;
Gh’è i Oziosi, Pellendôin,
Perdi giorni de mestê,
Da mostrâghe un pö e prexôin;
Gh’è di Zêughi da proibîse,
Gh’è de Bettoe da serrâse,
De Tannette da scrovîse,
Di Figgiêu da castigâse,
De Cansôin da no sentîse,
De Pittûe fin da scassâse!
Gh’emmo, gh’emmo, e ghe n’è tante...
Cose a Zena ancon da fâ,
Che per no vegnî seccante
