 |
Questa pagina a no l'è stæta corretta. | |
Sûnetto
A quelli nostri pövei Veteren;
Che combatteivan pe l'Indipendenza,
No se ghe dà nisciûnn-a ricompenza?
Se calcolan, se trattan comme i chen?
Aoa che diventæ semmo Italien
Ghe doviescimo a lö riconoscenza
E consoläghe ûn pö quell'existenza
Che tanti e tanti no se-a passan ben.
De çerto no pretendan a penscion
C'han dæto a-i Mille; no pretendan çerto
De vïve con mangiâ pan a petton;
Ma questi Veteren de Carlo Alberto,
Pe l'önô, pe l'orgoglio da Nazion
No devan renegâ tra o vïve inçerto.
