 |
Questa pagina a no l'è stæta corretta. | |
13.
Dio m'avvarde da-a lettûa
De cansoin e di sûnetti
Che da-e scimie de Stecchetti
Pe diamanti son spacciæ!
14.
Dio m'avvarde d'ammiä Zena
De lasciû da-o Castellasso
Pe no vedde zû dabbasso
Tante Chêulloe da fä orrô!
CANSONETTA
No son ciú morto nè vivo,
Ciû de ninte no me fa,
Sensa scopo nè motivo
Giandonezzo in çà e in là
Comme ûn môuxo intorno a-o schêuggio
No so ciû quello che vêuggio;
2.
Vorriæ giä pe l’Accassêua,
E dappoi no vêuggio ciû;
Intro in casa, e sciorto fêua,
Monto in letto e sâto zû,
E me vesto, e me despêuggio:
No so ciù quello che vêuggio!
3.
In te fæste, in te demöe
No me posso divertï;
Quande parlo co-e scignôe
Me ven quæxi da dormï,
E spalanco e særo l'êuggio:
No so ciû quello che vêuggio!
