 |
Questa pagina a no l'è stæta corretta. | |
8.
Se pe caxo vixitæ
E sò sale ghe trovæ
Un mûzeo de scienza e d'arte
Che ghe ciêuve da ogni parte;
E che quande o l'exitiä
A sò mancia o se tegniä.
9.
Mi però fra questi duî
Che se spaccian protettoî
Lodo e stimmo ciû o segondo
Perchè, visto ben in fondo,
Quelli artisti che gh'andian.
O sò tempo no perdian.
CANSONETTA
E perchè fase aspëtâ
Quande invitan a disnâ
In t'ûn caxo specialmente
Che ghe segge pin de gente
Tûtte instruïe, ben educhæ?
A me pä un'inciviltæ.
2.
L'aspëtä chi mai no ven
O fa dï roba da chen;
O l'angoscia scinn-a o chêugo
Ch'o l'azzunze sempre fêugo
E i ciû mëgio pittanzin
Ghe diventan polentin.
