 |
Questa pagina a no l'è stæta corretta. | |
10.
Con ciû fede e con ciû zëlo
I ministri do Segnô
Predichieivan o Vangelo
Perchè fessan tra de lö
Un partio tûtti i viventi,
Se n'avessan quelli denti!
Comme l'è bællo o rïe
Vergine de rimorsci,
De finte, de böxïe,
Spontaneo, sensa sforsci!
2.
O rïe o fa bon sangue,
O fa rescioä i pormoin,
O fa che no se langue
Ne-i laççi de pascioin.
3.
Un rïe de contentessa,
Un rïe chi fa rescioä
Co-i graddi e co-a ricchessa
O no se pêu accattä.
4.
O rïe de l'innocenza
O brilla ne-i figgiêu,
Ne-a faccia, ne-a presenza
De l'ommo de bon chêu.
5.
Nell'êuggio moribondo
Chi rïe salûando o sô
Se ghe descrêuve ûn mondo
De spaximo e d'amô.
