 |
Questa pagina a no l'è stæta corretta. | |
Sûnetto
Ecco l'orbo d'Arcetri, ecco l'idea
De chi se fava viägiatô do çê;
Eccolo in letto, mentre lì da-i pê
Stan i sò allievi stûpefæti in ciæa.
In bællo stile, in façile manea
Sentan l'ignoto rivelôu da lê,.
E scrivan premurosi in sciö pappê
I trattati da scienza eterna e vea.
In mezo a-i sò discepoli ciû cai
Pä ch'o lascie all'Italia in testamento
Tanti nêuvi trovati necessai.
Drammatizzä coscì quest'argomento
Megio che Barabin se porriâ mai?
Pêu däse.... ma ghe vêu do gran talento!
