 |
Questa pagina a no l'è stæta corretta. | |
4.
In ti gren riçevimenti,
In ti balli, in ti disnæ
Ve fan mille complimenti
Quande seì tûtt'inguantæ:
Sentî l'ûmio e o fæ sentî
E ciù cöse descrovî.
5.
In to mettili e leväli
V'accorzeì chi l'é aggaibôu,
V'accorzieì chi sà portäli,
Chi se trêuva invexendôu:
E mandæ scinn-a o guantê,
Chi l'ha fæti, a-i sette çê.
6.
Ma gh'é o guanto chi despiäxe
A-o falampi, a-o fanfaron
Ch'o barbotta, o tremma, o täxe,
Ch'o l'ha o cô comme ûn limon,
Che s'o poëse o s'ascondiæ
Se pe sfidda ghe-o cacciæ.
7.
Da-e donnette ciú galanti,
Da-e personn-e d'äto cô
Se no seì parlâ co-i guanti
N'ottegnî nisciûn favô.
Nè amicizia conservieì
Se co-i guanti no-a tocchieì.
