 |
Questa pagina a no l'è stæta corretta. | |
6.
Mentre parlan do Segnô,
Mentre sbraggian sofferenza,
Umiltæ, caitæ, pazienza,
Mentre predican l'amô,
Anche i prævi, anche i fratti
Tra de lö son chen e gatti.
7.
Se gran tempo pratichæ
I ciú cädi liberali
Mentre sbraggian pe-i giornali
Fradellanza e libertæ,
E se fan zûamenti e patti,
Tra de lö son chen e gatti.
8.
Tanti meistri e professoî
Che ne-a schêua, che ne-o collegio
Ve parrian exempio e spëgio
D'amorozi edûcatoî
Di stûdenti sävi ó matti:
Tra de lö son chen e gatti.
9.
Se fan guæra tra scienziæ,
Tra procûei, tra avvocati,
Tra poëti e letterati,
Tra scûltoî e pittoî stimmæ:
Scinn-a i storici ciú ezatti
Tra de lö son chen e gatti.
