 |
Questa pagina a no l'è stæta corretta. | |
Se perdesci o pin de l'êuggio
L'é ben chi che mi ve vêuggio,
Perchè g'applico ûn sûnetto
140Chi ve serve da occialetto.
Ei di tremiti pe-a vitta?
Seì brûxæ da l'æguavitta?
Mi ve filtro, ve lambicco
144E de chì no me bosticco.
Se per caxo ammiando o çê
V'indegnasci quarche pê,
Mi ve-o façço mette in toëla
148Con sûnnäve a mæ scigoëla.
Ve se stroscia o fî da schenn-a?
Ve rompî l'osso in scavenn-a?
Se dä rente me g'accosto
152Con ûn sciûscio van a posto.
Se scûggiando in te do mollo
Ve rompî l'osso do collo,
Vegnî chì, che ve l'attacco
156Con a punta do mæ bacco.
Oh! voiâtri ch'ei a frëve
Ve pensæ che no ve-a lëve
Se ve façço in lingua zærba
160Un elögio da mæ ærba?
Co-i mæ calcoli é mæ somme
Me son fæto do gran nomme
