 |
Questa pagina a no l'è stæta corretta. | |
14.
O no vedde che borsisti,
Che intriganti, che affaristi,
Che sensæ de l'angonïa,
Clûbbe, ciassa e sacrestïa,
E mercanti e bûtteghæ
Contro Zena coalizzæ.
15.
Tûtti marsci e pin de raggia
No l'intendan ch'o ghe sbraggia:
Voeì mandâ proprio in rovinn-a
Questa Ligure reginn-a?
A stimmæ pe patrio amô
O sbranäla comme o lô?
16.
Figgi cäi, ghe vêu prûdenza,
Bonnafede, confidenza,
Ciù caitæ, meno egoismo,
Meno smania d'affarismo,
Meno famme d'ambizion;
Comme dixe a Prefazion.
V.
