 |
Questa pagina a no l'è stæta corretta. | |
8.
Parlando de l'ommo
M'attrêuvo indeciso;
Ma sò che i romanzi
Pe l'ommo attempôu
Han tûtto l'effetto
Da semôa[sic] e do riso
Che san de brodöso,
Che san de brûxôu.
9.
Te dagghe o rimedio
Pe poite distrae?
Montemmo sciù a Tûrsci
Pe dîghe de scì,
Che mëza dozzenn-a
D'angiëti sens'äe
T'aviæ l'allegressa
D'ammiâli con mì.
V.
Cansonetta
Mammà, che bæll'öxello!
Ti o veddi bäsigä
In sciä rammetta pinn-a
De goççe de rozâ?
Quell'äe, quella testinn-a,
Pan fæte co-o pennello.
Mammà, che bæll'öxello,
Chi o poëse ûn pö acciappâ!
