 |
Questa pagina a no l'è stæta corretta. | |
chi me pregava
de componnighe ûn lungo romanzo
Ti vêu che componn-e
Un lungo romanzo?
No posso concedite
Un tale favô
De çerte lungannie
No[sic] tosto d'avanzo,
E tant'o l'é cûrto
Ciù piaxe l'amô.
2.
Ti sæ che son grïxo,
C'ho zà l'esperienza
De quelle fantinn-e,
De quelle maiæ.
Ti sæ che me stuffo,
Che perdo a pazienza
In tante fraschette,
In tanti gnæ-gnæ.
3.
Ti sæ che t'adoro,
Ti sæ che te stimmo
No comme ûnn'amante,
Ma comme ûnn-a sêu;
Che quande te parlo,
Che quande m'esprimmo
Pe bællo romanzo
Mi t'arvo o mæ chêu.
