 |
Questa pagina a no l'è stæta corretta. | |
Ma pe Zena e ciù un caroggio
Gh'ëa do sciäto e do mormoggio;
E dormivan tûtti fêua,
E veddeivi l'Accassêua
In t'ûn moddo trasformâ
12Da no poeìseghe mesciâ.
Ve ghe paìva un gran bivacco,
O prelûdio d'ûn attacco,
Unn-a tore de Babele,
Un ritræto assæ fedele
Da gran fëa de san Çeprian
18Con ciù sciäto e rammadan.
Pe-a gran puïa de nêuve scosse
I tranvai con e carrosse
Ean ridûti in dormitoi,
In albærghi provvizoi
Donde gh'ëan ricoveræ
24E famigge altolochæ..
In preteize ciù discreto,
Se veddeiva o medio ceto
Ch'o piggiava a careghetta
E tra ciù d'ûnn-a bûrletta
Stanco, frûsto, assûnnentôu,
30O tombava d'assettôu.
E famigge fradellinn e
Con coværte e con sciallinn-e
Di sedili e di boschetti
Ne formavan i sò letti:
E sentivi in ciacciarâ
36Bôrrascozo comme o mâ.
