 |
Questa pagina a no l'è stæta corretta. | |
Lê, passando co-a carrossa
Sciû tramëzo ä nûvia grossa
Chi ghe crïa viva a Reginn-a,
A salûa drîta e mancinn-a.
Stradda Balbi a l'é in borrasca,
Comme l’ægua d’ûnn-a vasca.
Ciêuve scioî da tûtti i canti
Ne-a carrossa di regnanti
Che gradindo l’agreman
In palazio se ne van.
Fæto sta, che quest’arrîvo,
Senza sforsci o l’ha do vîvo,
Ch’o l’inspïra ne-i zeneixi
Sensi nobili e corteixi,
Riverenza e scimpatïa
Pe-a regnante Dinastïa.
Fæsto[sic] sta, che, sarvo a vöxe
Che ghe sä caccia de cröxe,
E cioceate fæte anchêu
Son spontanee, da chêu.
Inaugurazion do monumento
PARTE SECONDA
Spunta l’arba do gran giorno:
E pe Zena e pe-o contorno
No veddei che camminä
E che vende e che accattä.
