 |
Questa pagina a no l'è stæta corretta. | |
Reg.
Ghe l'eì sempre a barselletta?
Via, sciacchæmene ûn sodin
De ciù pinn-e, Cattainetta,
E ciocchæme doî baxin
A-o figgiosso chi è cresciûo;
Che con questo ve salûo!
L’UNIVERSCITÆ DE ZENA
Mi no so con che criterio,
Mi no so con che raxon
Se scordavan do sciö Berio
A famosa relazion.
Mi no so perchè o governo
Ne-o trattä questo argomento
Coscì grave e de momento
Comme l'ûniverscitæ,
O l'ûsasse leggeressa
Malafede e trascûranza
Lûxingando co-a speranza
Co-e lungannie ûnn-a çittæ.
