 |
Questa pagina a no l'è stæta corretta. | |
REVISTA DA ÇITTÆ
Catt.
Comm’a l’è cao sciö Reginn-a
Che, d’allegro e d’axillözo,
Coscì tristo e penscerözo
Sciä l’è tûtto diventôu?
Reg.
E no n’ho forse raxon
D’ëse rôuzo, ca-a figgiêua,
Se o giardin de l’Accassêua
De derrûâme han progettôu?
Catt.
A che scopo vêuan derrûâlo?
Reg. Pe-a gran smania de derrûâghe
Sotto cö de fabbricâghe
De gren case pe-i despiæ.
Catt.
Se magnifica l’idea,
Maveggiöza e sorprendente,
Se mostrassan çerta gente
Un pö i denti meno affiæ...
