 |
Questa pagina a no l'è stæta corretta. | |
Senza sparze sangue o poeìva
Ottegnî ciù ch'o no voeìva.
Ma metteiva l'anno bon
Torna a Spagna in apprenscion
Con cacciaghe dappertûtto
O cholera, o singao brûtto;
Con mandaghe là co-i ciù
In ta sciô da zoventù
O re Alfonso chi l'amava
E co-e tasce o no-a strosciava.
Zà Repûbblica e Carlisti
Se veddeivan minacciâ
Tempi orrendi, tempi tristi
A a sciâ Spagna desgraziâ;
Ma cessava ogni rovinn-a
Co-a reggenza da reginn-a.
E quest'anno ciù ostinôu
Nêuvamente o l'ha tentôu
De poeì mette in ballo a Fransa
Con ûn pö de mä de pansa
