 |
Questa pagina a no l'è stæta corretta. | |
E quande in ta pûgnatta
Son lì pe parpellä
Ve pan ûnn-a fregatta
Chi naveghe pe-o mâ.
Veddeì spuntâghe i êuggi
Do cô dell'êuio fin,
E ne gödì o bon gûsto
Con quattro fidelin.
Quand’o l'è bello chêutto
Poeì mettive a sguarä
Che se ghe foisci êutto
Cattivo contentä
Lì gh’eì da contentave
In te che stallo voeì:
In chêuscía, in portacôa,
In pëto a ciû no poeì.
Con o bitiro intorno
E duî granin de sä
Metteìvelo in to forno
E poi lasciæ ciomä.
Quand’o l’ha o cô dell’ôu
Trincælo a tocchettin;
Sentieì che morbidezza
De razo e vellûtin!
