 |
Questa pagina a no l'è stæta corretta. | |
Ne-o gräve e rigido
Venardì santo,
Che tûtto in lagrime
Finisce o canto,
Sc canta o Pascio
Tra scinfonïe
De palcoscenico
Che me fan rïe.
Benchè da mûxica
Ignore o gergo,
No sò persuâdime
D’ûn Tantum Ergo
Cantôu con regole
C’han tûtto o cô
Do Ballo in Maschera,
Do Trovatô.
No sô persuâdime
Comme in san Loenso
Prævi e canonici
C'han do bon senso
Cantan a-o cembalo
A trenodïa
Ciù lamentevole
De Geremïa.
