 |
Questa pagina a no l'è stæta corretta. | |
Poeì fane chi, paolotta
E sûcca d'ûn quintale
Vorriæ passâ pe dotta
E donna liberale.
Poeì fane chi, con l'arma
Do vizio e da bellezza,
Pêu rende sciö de varma
Qualunque intrepidezza.
Evviva i marionetti
E chi l’ha fabbrichæ!
Beneiti quelli ommetti
Da lô rappresentæ!
MÛXICA SACRA
No façço a critica
Di mûxicanti,
Ma l’ho co-a mûxica
Che salmi e canti
A rende comici,
A l'assascinn-a
Con o ballabile
E a cavatinn-a.
